ՆԱՏՕ-Վրաստան ուսումնական և գնահատման համատեղ մարտական պատրաստության կենտրոնում, տեղի է ունեցել Վրաստանի Պաշտպանական պատրաստության ծրագրի (GDRP) 8-րդ ռոտացիայի բացման արարողությունը: Տեղեկատվությունը տարածում է Վրաստանի Պաշտպանության նախարարությունը:

Գերատեսչության տեղեկացմամբ, ուսուցմանը մասնակցող զինծառայողներին խոսքով դիմել է, Վրաստանի Պաշտպանության զորքերի հրամանատարի տեղակալ, գլխավոր շտաբի պետ, բրիգադի գեներալ՝ Ջոնի Տատունաշվիլին, նա շնորհավորել է նրանց զորավարժությունների մեկնարկի կապակցությամբ և ընդգծել ծրագրի կարևորությունը: 2-րդ հետևակային բրիգադի, 22-րդ գումարտակը պաշտոնապես միացել է Վրաստանի պաշտպանական պատրաստության ծրագրին (GDRP): 2-րդ հետևակային բրիգադի 22-րդ գումարտակը, մարտական ​​պատրաստության կենտրոնում դասընթացը կանցնի 13 շաբաթվա ընթացքում:

«Ստորաբաժանման անձնակազմը կպատրաստվի գումարտակի մակարդակով, իրական մարտական ​​պայմաններին հնարավորինս մոտ միջավայրում: Դասընթացի ընթացքում ռազմական անձնակազմը տիրապետելու է պաշտպանական և հարձակողական գործողություններին, ինչպես նաև մարտական ​​հրաձգության և վարժությունների կառավարմանը: Գումարտակին JTEC մարտական ​​պատրաստության կենտրոնի հետ համատեղ կպատրաստեն ԱՄՆ-ի բանակի հրահանգիչներ»,- ասվում է Պաշտպանության նախարարության հաղորդագրության մեջ:

2-րդ հետևակային բրիգադի 22-րդ գումարտակը նախապատրաստական ​​ծրագրին միանալուց առաջ, նախապատրաստական ուսուցումը անցել է Սենակիի ռազմակայանում: Զորավարժությունները կավարտվեն 2021 թվականի ապրիլի վերջին: