Մամուլի հաղորդմամբ, Իրաքի անվտանգության ուժերը սպանել են 18 ցուցարարի
Իրաքի՝ Նասիրիա քաղաքում անվտանգության ուժերը սպանել են 18 ցուցարարի: «Ալ Ջազիրայի» լրատվությամբ, իրավապահները կրակ են բացել ցուցարարների հասցեին:
Առճակատման արդյունքում վիրավորվել է ավելի քան 120 մարդ:
Նրանցից մի քանիսը գտնվում են ծանր վիճակում:
Իրաքի Նաջափ քաղաքում, Իրանի հյուպատոսությունը հրդեհելուց հետո, Իրաքի հարավային գավառներում կարգ ու կանոնը վերականգնելու համար ուղարկվել են զինվորականներ:
Իրաքում ցուցարարները երկրի կառավարությանը մեղադրում են կոռուպցիայի մեջ և պահանջում են համակարգի փոփոխություն:
Իրանի հյուպատոսության վրա հարձակվելուց հետո, Թեհրանը Բաղդադին հորդորել է վճռական գործողություններ ձեռնարկել «ագրեսորների» դեմ: