Մամուկա Բախտաձեն Ռուսաստանի նկատմամբ առավել կոշտ էր, քան «Վրացական երազանքի» այլ վարչապետներ. Կոռնելի Կակաչիա
Մամուկա Բախտաձեն Ռուսաստանի նկատմամբ առավել կոշտ էր, քան «Վրացական երազանքի» այլ վարչապետներ,- այսպես է գնահատում ՄԱԿ-ում Վրաստանի վարչապետի ելույթը «Վրաստանի քաղաքականության ինստիտուտի» տնօրեն Կոռնելի Կակաչիան:
Նրա խոսքով, Մամուկա Բախտաձեն որոշ չափով շոշափել է բոլոր այն հարցերը, որոնք կարևոր էին Վրաստանի ազգային շահերի համար:
Մամուկա Բախտաձեն Ռուսաստանի Դաշնությանը կոչ է արել, կատարել ստանձնած միջազգային պարտականությունները և դուրս բերել զորքը Վրաստանի տարածքից:
Վրաստանի վարչապետ Մամուկա Բախտաձեն ՄԱԿ-ի գլխավոր վեհաժողովին դիմել է վրացերենով: