Վրաստանի վարչապետի թեկնածու, Իրակլի Ղարիբաշվիլին ներկայացրել է կառավարության նոր կազմը:

Նախարարների կաբինետի նոր կազմը հայտնի դարձավ, «Վրացական երազանք-ժողովրդավարական Վրաստանի» քաղաքական խորհրդի նիստից հետո:

Կառավարության կազմում ընդամենը երկու փոփոխություն կա. Պաշտպանության նախարարի պաշտոնը կզբաղեցնի Ջուանշեր Բուրճուլաձեն, իսկ տարածաշրջանային զարգացման և ենթակառուցվածքների նախարար կլինի Իրակլի Քարսելաձեն:

Հետևաբար, Իրակլի Ղարիբաշվիլիի ներկայացված կազմը հետևյալն է.

Տարածաշրջանային զարգացման և ենթակառուցվածքների նախարար – Իրակլի Քարսելաձե

Արդարադատության նախարար – Գոչա Լորթքիփանիձե

Ներքին գործերի նախարար – Վախտանգ Գոմելաուրի

Էկոնոմիկայի և կայուն զարգացման նախարար – Նաթիա Թուրնավա

Արտաքին գործերի նախարար – Դավիթ Զալկալիանի

Ֆինանսների նախարար – Իվանե Մաճավարիանիի

Կրթության, գիտության, մշակույթի և սպորտի նախարար – Միխեիլ Չխենկելի

Բռնազավթված տարածքներից, աշխատանքի, առողջապահության և սոցիալական հարցերի նախարար – Էկատերինե Տիկարաձե

Բնապահպանության և գյուղատնտեսության նախարար – Լևան Դավիթաշվիլի

Պաշտպանության նախարար – Ջուանշեր Բուրճուլաձե

Հաշտության և քաղաքացիական հավասարության պետական ​​նախարար – Թեա Ախվլեդիանի

Այս պահին առկա տեղեկատվության համաձայն, խորհրդարանը կառավարության նոր կազմը կհաստատի հաջորդ շաբաթ:

Երեկ «Վրացական երազանքը» վարչապետի պաշտոնում առաջադրել էր Իրակլի Ղարիբաշվիլիի թեկնածությունը:

Վարչապետի պաշտոնում թեկնածուի առաջադրումը անհրաժեշտ դարձավ, այն բանից հետո, ինչ Գիորգի Գախարիան հրաժարական տվեց:

Հիշեցնենք, Իրակլի Ղարիբաշվիլին մեկ անգամ արդեն զբաղեցրել է Վրաստանի վարչապետի պաշտոնը, 2013 թվականի նոյեմբերի 20-ից 2015 թվականի դեկտեմբերի 24-ը: