Հիմնական առաջնահերթություն է մնում բռնազավթման տակ գտնվող բնակչության համար հոգ տանելը, կրթության, առողջապահության և այլ ծառայությունների պարզ հասանելիության ապահովումը,- այս մասին պատգամավորների առջև ելույթ ունենալիս հայտարարել է, հաշտեցման և քաղաքացիական հավասարության հարցերով պետական ​​նախարարի թեկնածու, Թեա Ախվլեդիանին:

Նա ելույթ է ունեցել ՝ ընթացակարգային հարցերի, մարդու իրավունքների և քաղաքացիական ինտեգրման, պաշտպանության և անվտանգության և իրավաբանական հարցերի հանձնաժողովների համատեղ նիստում:

«Հաշտեցման և ներգրավման քաղաքականության շրջանակներում մենք արդեն ձեռնարկել ենք մի շարք գործնական, կառուցողական և արդյունավետ քայլեր, այն բանի համար, որ բռնազավթված տարածքներում բնակվող մարդկանց հասցնենք կոնկրետ օգուտ, ցույց տանք նրանց ավելի լավ ապագա, բարձրացնենք կրթության և առողջապահական ծառայությունների մատչելիությունը: Սեպտեմբերից գործի է դրվել «Խաղաղության հիմնադրամը ավելի լավ ապագայի համար», դոնորների դրամաշնորհներով բիզնես նախագծեր ֆինանսավորելու համար: Սրանք են «Քայլ դեպի ավելի լավ ապագա» կառավարության խաղաղարար նախաձեռնության նպատակները:

Այսպիսով, հիմնական առաջնահերթություն է մնում բռնազավթման տակ գտնվող բնակչության համար հոգ տանելը, կրթության, առողջապահության և այլ ծառայությունների պարզ հասանելիության ապահովումը, ինչպես նաև եվրոպական ինտեգրման գործընթացի օգուտների և հեռանկարների կիսումը», – հայտարարել է Թեա Ախվլեդիանին: