Ցանկացած իշխանություն փորձում է, պետական սահմանի հարցը լուծել իր երկրի օգտին, բացառությամբ «ազգային շարժման» իշխանությունների, որոնք չեն սիրում պատմությունը և հայրենիքը. Իրակլի Կոբախիձե
Ադրբեջանը մեր ռազմավարական գործընկերն ու բարեկամ երկիրն է, որի ներկայացուցիչների կողմից արվել են համապատասխան հայտարարություններ և համոզված ենք, սահմանի վերաբերյալ վերջնական որոշումը կկայացվի երկու կողմերի շահերի, բարիդրացիական հարաբերությունների և գործարար համագործակցության նախատեսմամբ,- այս մասին հայտարարել է «վրացական երազանք – ժողովրդավարական Վրաստան» քաղաքական միավորման գործադիր քարտուղար Իրակլի Կոբախիձեն:
«Ցանկանում ենք արձագանքել Դավիթ Գարեջիի կապակցությամբ հարուցված քրեական գործով արմատական ընդդիմության երեկվա հիստերիկ արձագանքին: Հատկանշական է, որ կառավարության դեմ համակարգված հարձակման ժամանակ, հատկապես ակտիվ էին նախորդ կառավարության արտաքին բլոկի ներկայացուցիչները, որոնց հայտարարությունները դուրս էին ցանկացած տրամաբանական շրջանակից: Այսօր, երբ առաջացել է հնարավորություն, սահմանազատման փակուղի մտած գործընթացը լուծել արդարացի, վրաց-ադրբեջանական կողմերի կողմից համաձայնեցված ալգորիթմով և մեր երկրի շահերից ելնելով, արմատական ընդդիմությունը կազմակերպում է կազմակերպված հարձակում կառավարության վրա, փորձելով ապացուցել, որ նոր հայտնաբերված կարևորագույն փաստաթղթերը, այդ թվում հայտնաբերված քարտեզը, որը ստեղծում է հարցը պատշաճ կերպով լուծելու նոր հնարավորություն, հորինված է և սուտ: Մենք երեկ հայտարարեցինք, որ այս թեմայով քաղաքական շահարկումների դեպքում տեղի է ունենալու հստակ քաղաքական լյուստրացիա, որն արդեն հաստատված է»,- ասել է Իրակլի Կոբախիձեն:
Ըստ նրա, ցանկացած կառավարություն փորձում է պետական սահմանի հարցը լուծել հօգուտ իր երկրի, բացառությամբ այն կառավարության, որը չի սիրում իր ժողովրդին, պատմությունն ու հայրենիքը, ինչպիսին էր «ազգային շարժման» իշխանությունը:
«Ադրբեջանը մեր ռազմավարական գործընկերն ու բարեկամ երկիրն է, որի ներկայացուցիչների կողմից արվել են համապատասխան հայտարարություններ և համոզված ենք, սահմանի վերաբերյալ վերջնական որոշումը կկայացվի երկու կողմերի շահերի, բարիդրացիական հարաբերությունների և գործարար համագործակցության նախատեսմամբ»,- հայտարարել է Իրակլի Կոբախիձեն: