Վրաստանի արտաքին գործերի նախարարությունը Վրաստանի իշխանությունների կողմից վերահսկվող Չորչանա գյուղի մոտակայքում, բռնազավթված գծի մոտ զարգացած իրադարձությունների կապակցությամբ տարածել է հայտարարություն:

Հայտարարության մեջ նշված է, որ Արտաքին գործերի նախարարությունը իր վրդովմունք է արտահայտում Վրաստանի իշխանությունների կողմից վերահսկվող Չորչանա գյուղի մոտակայքում, բռնազավթված գծի մոտ բռնազավթիչ ուժերի կողմից ռազմական տեխնիկայի և կենդանի ուժերի կենտրոնացման կապակցությամբ:

Գերատեսչության լրատվությամբ, նման ապակառուցողական գործողությունները, ինչպես նաև բռնազավթիչ ռեժիմի ղեկավարության անհիմն հայտարարությունները էլ ավելի են սրում անվտանգության միջավայրը և նպատակ ունեն ապակայունացնել  իրավիճակը:

«Վրաստանը լիովին կատարում է ստանձնած պարտավորությունները, հստակ կանգնած է հակամարտության խաղաղ կարգավորման ճանապարհին և օգտագործում է իր ձեռքի տակ գտնվող բոլոր դիվանագիտական ​​գործիքները իրավիճակը ապակայունացնելու և ապօրինի գործընթացները դադարեցնելու համար:

Վրացական կողմը շարունակում է իրազեկել միջազգային հանրությանը տեղում զարգացող իրադարձությունների վերաբերյալ և սերտ համագործակցում է Ժնևյան միջազգային բանակցությունների համանախագահների, Եվրամիության դիտորդական առաքելության և Վրաստանում հավատարմագրված դիվանագիտական ​​կորպուսի հետ:

Բացի այդ, վրացական կողմը այս հարցը բարձրացրել է օգոստոսի 29-ին Էրգնեթիում տեղի ունեցած միջադեպերի կանխարգելման և դրանց վրա արձագանքման մեխանիզմների հանդիպման ժամանակ», – ասված է ԱԳՆ-ի հայտարարության մեջ:

Գերատեսչությունը կոչ է անում Ռուսաստանի Դաշնությանը, դադարեցնել  անօրինական գործողությունները, կատարել ստանձնած  միջազգային պարտավորությունները, այդ թվում 2008 թվականի օգոստոսի 12-ի հրադադարի պայմանագիրը, ինչպես նաև հարգել Վրաստանի ինքնիշխանությունն ու տարածքային ամբողջականությունը:

Արտաքին գործերի նախարարությունը կոչ է անում միջազգային համադաշնությանը  պատշաճ գնահատական տալ բռնազավթված տարածքում տեղի ունեցող ապօրինի գործողություններին և համապատասխան միջոցներ ձեռնարկել դրանց դադարեցման ուղղությամբ: