Աֆղանստանում զինված մարդիկ հարձակվել են Save the Children իրավապաշտպան կազմակերության գրասենյակի վրա
Աֆղանստանի Ջալալաբադ քաղաքում 11 մարդ է տուժել աշխարհում երեխաների իրավունքների պաշտապանությամբ զբաղվող Save the Children միջազգային կազմակերպության գրասենյակի վրա զինված մարդկանց հարձակման հետևանքով, հայտնում է Tolo News հեռուստաալիքը:
Ինչպես հայտնել են տեղական իշխանությունները, չորեքշաբթի առավոտյան մահապարտ ահաբեկիչը պայթուցիկ սարքը գործարկել է շենքի մուտքի մոտ, որից հետո տարածք է ներխուժել զինված մարդկանց խումբը:
Նանգարհարի նահանգապետի խոսքով՝ զինված անձանց և իրավապահ մարմինների աշխատակիցների միջև բախումները շարունակվում են:
Իրավապաշտպանների գրասենյակից ոչ հեռու դպրոց կա: Ականատեսները հայտարարում են, որ հրաձգության ժամանակ տեսել են վազքով փախչող երեխաների: Հաղորդվում է, որ դեպքի վայր են ժամանել հատուկ ծառայությունների աշխատակիցները:
Հեղինակ -
Edgar Barsegyan