Қырҭтәыла апарламент ахантәаҩы Иракли Кобахиӡе иҳәаҭала, ақырҭуа демократиа арҕәҕәара аус аҿы Европа Ахеилак хәы змам ароль нанагӡоит.

Кобахиӡе ишазгәеиҭаз ала, Европа Ахеилак Апарламенттә Ассамблеиа ахада Лилиан Мори Паские лвизит асимволтә ҟазшьа амоуп, избанзар уи Европа Ахеилак ашҟа Қырҭтәыла алалара инаркны  20 шықәса аҵра иазкуп.

„Аиҧылараҿы ҩ-ганклатәи ҳусеицура ҳалацәажәеит. Ишазгәаҭаз ала, аҩ-ганкгьы ари аусеицура арҭбаара иазҿлымҳауп.  Иара убас, Қырҭтәыла имҩаҧысуа ареформақәагьы ҳрылацәажәеит.  Ҳареи Европа Ахеилаки аусеицура ҕәҕәа ҳабжьоуп, уи адемократиа аконсолидациеи азинтә ҳәынҭқарра аргылареи аҿы иҳацхраауеит. Иара убас, аҵакы ду амоуп ҳтәыла аҵакырадгьылтә акзаара адгылара гаанахьалагьы Европа Ахеилак инанагӡо ароль.  Зыӡбахәы ҳәоу 20 шықәса рыҩнуҵҟала Қырҭтәыла ақәҿиара ду аиуит.  Сара  агәра ганы сыҟоуп ҳаҧхьаҟа ҳусеицура иаҳа ишыҕәҕәахо“, – иҳәеит Иракли Кобахиӡе.

Қырҭтәыла апарламент ахантәаҩы Иракли Кобахиӡе Европа Ахеилак Апарламенттә Ассамблеиа ахада Лилиан Мори Паские дылҧылеит. Аиҧылара ашьҭахь, аганқәа рхаҭарнакцәа амедиазы аҳәамҭақәа ҟарҵеит.