Европа ахеилак апарламенттә ассамблеиа аҳасабырбаҿ зыӡбахә ҳәоу алхратә реформа аоппозициаа рҟны еиҵынаҳагӡарц ҳазыхиоуп, – иҳәеит апарламент ахантәаҩы Арчил Ҭалакваӡе «Ақырҭуа гәахәтәы» аизара ду ашьҭахь.

Ҭалакваӡе иажәақәа рыла, аҳасабырбаҿ иаарԥшу арекомендациақәеи «Ақырҭуа гәахәтәы» ари азҵаара иадҳәаланы амоу аплани еиԥшуп.

«Европа ахеилак апарламенттә ассамблеиа аҳасабырбаҿ иануп алхрақәа ашьаҭатәи зинқәа рыхьчарала мҩаԥган ҳәа. Ҳара ари аҳасабырбаҿ иану арекомендациақәа аинтерес дула ҳрыԥхьоит. Аҳасабырбаҿ иаарԥшу арекомендациақәеи «Ақырҭуа гәахәтәы» ари азҵаара иадҳәаланы амоу аплани еиԥшуп. Убри аҟынтә ҳгәы иаанагоит, аоппозициаа ԥхьаҟа ашьаҿа ҟарҵароуп, апарламент иалалароуп Европа ахеилак апарламенттә ассамблеиа аҳасабырбаҿ зыӡбахә ҳәоу алхратә реформа аоппозициаа рҟны еиҵынаҳагӡарц азы,» – иҳәеит Арчил Ҭалакваӡе.