Гуырдзыстоны президент  Саломэ Зурабишвили  Францмæ кусæн визиты  официалон хай  абон райдайдзæн.

Саломэ Зурабишвили  абон Францы    дыууæпалатæйон   парламенты уæллаг  палатæйы, сенаты   президент Жерар  Ларшеимæ фембæлдзæн.

Боны дыккаг хайы Гуырдзыстоны президент  Паризы,  политикъон зонæдты  институты (SciencesPo) æхсæнадæмон   ахастыты  фарстатыл  бакæсдзæн  лекци –  «Гуырдзыстон æмæ Европæ,  фадæттæ ивгæ  уавæрты».

19 февралы  Саломэ Зурабишвилийæн сфысым кæндзæн  Францы  президент  Эммануэль Макрон. Францы президентимæ  фембæлды фæстæ,   дыууæ  бæстæйы президенттæ   къух бафысдзысты  æмкуысткæнынады  декларацийыл  «Францаг-Гуырдзиаг Димитри Амилахварийы  номыл диалогы»  бындурæвæрдлы фæдыл, кæцыйы бындурыл  бæстæты æхсæн  диалог райсдзæн  институцион  равг æмæ бынтон   ног этапмæ ахиздзæн.

Саломэ Зурабишвили  Францмæ  знон ныццыд. Визиты фыццаг бон, Саломэ Зурабишвили  абæрæг кодта  йæ  фыды  инициативæйæ  арызт аргъуан  æмæ йæ  хъæбултимæ иумæ  ныллæууыд  Хуыцаумæ  скуывдмæ.  Уый фæстæ  Гуырдзыстоны президент  Левилмæ араст ис, цы  ран йæ  ныйарджыты  ингæныл дидингуытæ сæвæрдта  æмæ Левилы  шато абæрæг кодта.  Саломэ Зурабишвили  Францмæ кусæн визиты  фыццаг бон, студенттимæ  æмæ  гуырдзиаг  эмигранттимæ  фембæлдæй  фæцис.

Гуырдзыстоны  президент  Францæй  Германимæ араст уыдзæн,  цы ран  Германийы  канцлер Ангела Меркелимæ фембæлдзæн.