Европаг Советы  президенты Гуырдзыстонмæ визит нысан кæны уый, цæмæй  Евроцæдис никæдæм ацыд –  уый фæдыл Гуырдзыстоны  президент Саломэ Зурабишвили  Европаг Советы  президент Шарль Мишелимæ  фембæлды  фæстæ райхуъсын кодта.

Йæ ныхæстæм гæсгæ, зæгъгæ  Евроцæдисæн иттæг нысаниуæгджын у,  цæмæй   Гуырдзыстон йæ Европаг æмæ демократон фæндаг адарддæр кæна  æмæ йæ мацы фæкуылымпы  кæна.

«Фæнды мæ  стыр  бузныг  зæгъын  Европаг Советы президент, Шарль Мишелæн  ардæм кæй  æрцыд, уый тыххæй.  Æрымысдзынæн  дыууæ  мæйы   размæ  мæхи визит Брюссельмæ, кæцы уыд  иттæг нысаниуæгджын, куыд  фыццаг  постковидвизит  æмæ тынг  дзæбæх  ныхас нын уыд йеуæд дæр. Абон президенты æрцыд  Гуырдзыстонмæ  уый нысан кæны, цæмæй Евроцæдис никæдæм ацыд, ам ис  æмæ  раздæр куыд никуы уыд, афтæ  абон Евроцæдисæн    ахсджиаг у, Гуырдзыстон  адарддæр кæна йæ  Европаг æмæ демократон фæндаг  æмæ йæ  мацы  фæкуылымпы  кæна.  Афтæ, куыд никуы  уыдис раздæр,  абон  нысаниуæгджын у, уымæн æмæ ацы  регионы уавæр фæивдта  æмæ  ныр хъæуы,  цæмæй  куыд  уыдис  æмæ ныр дæр у, Гуырдзыстон демократийы  сакъадах,  ноджы стыхджындæр уа  æмæ  сфидардæр уа», –  загъта Саломэ Зурабишвили.

Шарль Мишелæн афтæдæр плангонд сты   фембæлдтæ Гуырдзыстоны   премьер-министр  Ираклий Гъарибашвилиимæ, парламенты сæрдар Арчил Талакъвадзеимæ  æмæ  политикон партиты   лидертимæ.

Европаг Советы  президент, хъæу Хурвалеты цур  оккупацион  хаххы бæрæгдзау  ныццæудзæн, Гуырдзыстоны Евроцæдисы минæварады ног офисы  инаугурацимæ  бацæудзæн  æмæ Евроцæдисы финансгонд проекттæ абæрæг кæндзæн.

Шарль Мишель Гуырдзыстонæй   2  марты  ацæудзæн.