Ника Мелиайы тæрхоны процесс снысан ис 8 апрелмæ
Ника Мелиайы тæрхоны процесс снысан ис 8 апрелмæ

Тбилисы горæты  тæрхондоны  «Иугонд Националон Змæлды» сæрдар, зылынмæ лæвæрд  Ника Мелиайы тæрхоны процесс 8 апрелмæ снысан ис.  Рабатд 11:00  сахатыл  райдайдзæн.

Адвокат Гиорги Къондахашвилийы  информацийæ,   фæнысангонд  процессыл   гæнæн ис  Ника Мелиайæн  тæрхонгонд  æфхæрды мадзал ногæй  æркастæуа.

«Ника Мелиайы  хъуыддагыл  тæрхонон рабадт  снысан ис  8 апрелмæ.   Деталтæ  махæн бæрæг не сты, фæлæ ис  æнхъæлц, цæмæй тæрхондон ацы рабадтыл  Ника Мелиайæн ахстæй æфхæрды фæдыл  æфхæрды мадзал  ногæй  æркæсдзæнис.   Тæрхондон  закъонæй   хæсджын у, цæмæй   дыууæ мæйы иу хатт  хъуамæ  тæрхон кæна, ис æви нæ  бындур, цæмæй адарддæр уа  ацы  æнæзаконон æмæ   политикон ахст.  Иллюзи ничи дары, цæмæй  ахæм  фарстæтæ  тæрхондоны  аскуыддзаг вæййынц, фæлæ 8 апрелы  фехъусдзыстæм  хицауады политикон   уынаффæ,  кæцы айзæлын кæндзысты   тæрхоны процессыл, – уадзынц æви нæ  Ника Мелиайы  ахсты уæвгæйæ, кæнæ та йæ  ссæрибар кæндзысты  æнæзаконон ахстæй.

Техникон фарстæты тыххæй  куы зæгъæм,   закъонмæ гæсгæйæ,    ницы бындур ис уымæн, цæмæй Ника Мелиа  уа  ахст.  Уымæн æмæ прокуратурæйы  позицимæ гæсгæйæ,  ацы  ахст  альтернативæ цæмæн нæй,  ахæм нæу. Тæрхонгæнæгмæ нæй бар, гоймагы ахсты ныууадзын, кæд  ахстæй æфхæрдæн ис альтернативæ  æмæ   æндæр къаддæр  карз мадзал ифтонг кæндзæн  æфхæрды мадзалы  домæнтæ  сыххæст.  Нæ позици у, цæмæй   Ника Мелиамæ  ницы æфхæрд æмбæлы.  Уый у æнæзаконон æмæ   политикон  ахсты æмæ  æнæмæнгæй  хъуамæ ссæрибар уа.  Байхъусдзыстæм прокуратурæйы  позицимæ,  ныфс нæ ис, цæмæй  хицауад  æмæ  тæрхондон  8 апрелы Ника Мелиайæн æнæзаконон  политикон ахст кæрон скæндзысты», –  загъта Гиорги Къондахашвили.

Ника Мелиайæн  тæрхондон æфхæрды мадзалæй  ахст 17 февралы стæрхон кодта.

Ныууадз комментари