Европæ  Лигæйы  финалæн сфысым кæндзæн  Севилья
Европæ Лигæйы финалæн сфысым кæндзæн Севилья

Севильяйы  стадион  «Санчес  Писхуан» 2021 азы  УЕФА  Европæйы  Лигæйы  финалон  фембæлдæн сфысым кæндзæн,  – уый фæдыл  Словенийы   сæйраг сахар  Люблянайы   УЕФА-йы  президент  Александр  Цеферин  æххæстгæнæг комитеты  рабадты  фæуды фæстæ, хатдзæггæнæг  пресс-конференцийыл   райхъусын кодта.

Гуырдзиаг сæрхъызойтæ фæнысангонд уынаффæмæ  сæрмагонд интересæй  æнхъæлмæ кастысты, уымæн æмæ Словениимæ иумæ, 2021 азы  Европа Лигæйы  финалæн сфысым кæныны претендент  уыд Тбилис дæр.

Тбилис Европæйы Лигæйы  финалы   фысымдзинады   кандидатурæйыл æнхъарæн   2018  азы  фæззæджы бавдыста.   Æнхъарæнтæ  бавдыстой  11  уæнг бæстæйæ. Кæронбæттæн  куырдиæтты  бавдисынæн  æппынфæстаг æмгъуыд уыд  2019 азы  15  февраль. Европæйы Лигæйы  2021  азы  финалы   фысымдзинадыл  сæрфысццаг номхыгъдæй нырма æртæ  кандидатурæ   баззадис – Венæйы «Эрнст  Хепелы» стадион,  Тбилисы  Борис Паичъадзейы  номыл «Динамо Аренæ»  æмæ Севильяйы   стадион  «Санчес  Писхуан», фæстагмæ та конкуренттæ  уыдысты  Тбилис æмæ Севилья.

«Динамо Арена»  нысаниуæгджын   европаг  турниры  финалæн 2015 азы  сфысым кодта, Европæйы  сперкубокыл, «Барселона»  хыгъдæй  4:0 «Севилья»-ы  куы  басаста уæд.

Ныууадз комментари