Ереваны акцийы хайадисджытæ хицауады бæстыхайы територийæ рацыдысты. Уыдон Ханджияны уынгы æрдæм цæуынц.

Опозиционер депутат æмæ акцийы организатор Николь Пашиняны ныхасмæ гæсгæ уыдон тактикæ фæивдзысты.

«Мах фæндаг нæ сыхгæндзыстæм, мах фæндагæрон дыууæ фарсыл дæр æрлæудзыстæм æмæ скъæрджытæм куырдиатæй басиддзыстæм -кæд æмæ Серж Саргсяны ныхмæ  дæ , уæд фæсигнал кæн» -сиды Пашинян.

Абон райсом акци хицауады бæстыхайы раз райдыдта, цæй фæстæ дæр спецназ демонстрантты територийæ акæнын райдыдтой.