Украинæйы президент Володимир Зеленский расидтис, цæмæй Украинæйы, АИШ æмæ Уæрæсейы кустон  къордты фембæлд сом,  Иугонд Араббаг Эмиратты сырæздзæн. Уый фæдыл Зеленский Давосы дунеон экономикон форумыл фæныхас кодта.

Йæ ныхасмæ гæсгæ, уый размæ Украинайы æмæ АИШ-ы делегациты фембæлд сырæздзæн.

«Æртæфарсон фембæлдтæ Иугонд Араббаг Эмиратты райсом æмæ иннæбон сырæздзысты. Ныфс мæ ис, цæмæй Эмираттæ уый зонынц, уымæн æмæ хатгай нæм АИШ-æй ахæм æнæнхъæлæджы цаутæ æрцæуы. Мæнмæ гæсгæ, хорз уаид, кæд æмæ кустон  къордтæ райдайой æртæфарсон фембæлдтæ уадзын тактикон æмвæзадыл. Ныфс мæ ис, исты ссардзыстæм. Уæрæсейæгтæ хъуамæ цæттæ уой компромиссмæ, æрмæст  Украинæ нæ фæлæ. Бакæсæм, цавæр фæстиуæг уыдзæн » – расидтис Зеленский.