Владимир Путин падзахадон Думамæ бавдыст закъонопроект а.х. Хуссар Ирыстоны æмæ Уæрæсейы æхсæн дывæр æмбæстагады бадзырды ратификацийы фæдыл
Уæрæсейы президент, Владимир Путин падзахадон Думамæ бавдыста закъонопроект, а.х. Хуссар Ирыстон æмæ Уæрæсейы æхсæн дывæр æмбæстагады бадзырды ратификацийы фæдыл. Бадзырдыл 2021 азы 20 сентябры бафыста къух æмæ уым банысангонд у, цæмæй иу фарсы æмбæстæгтæн ис бар сæрмагонд æмбæстагадимæ иумæ райсой дыккаг фарсы æмбæстагад дæр.
Уæрæсе, а.х. Хуссар Ирыстоны æмбæстæгтæн, кæцытæ сты æххæстаздзыд, дæтты бар, Уæрæсейы æмбæстагад райсын фенцондæргонд уагæй. Æмбæстагад райсты домæнтæ, куырдиат бавдисыны уаг, бавдисиснаг документты ранымад æмæ куырдиæттæ æркæсыны уаг бæрæг кæны Уæрæсейы президент.
Закъонороекты мидæг банысангонд у, цæмæй дыууæдæр фарсы æмбæстагад кæмæ ис уыцы уæнгтæ пайда кæндзысты уыцы бæстæйы зæкъондæттынадæй бæрæг социалон ифтонгады, ахуырады æмæ медицинон лæггады бартæй, кæцыйы территорийыл цæрынц иудадзыг. Иурæстæгонæй, кæцыфæнды фарсмæ ис бар, ахæм уæнгтæн ратта бартæ æмæ уæлбардзинæдтæ йеуæд дæр, кæд уыдон цæрынц дыккаг фарсы территорийыл.
Бадзырдæн хæъуы ратификаци скæнын æмæ йæ тыхмæ бахиздзæни ратификацион грамотæты баивды бонæй. Уый архайы фондз азы дæргъы æмæ автоматонæй ранæуæг уыдзæн иннæ фондз азон периодмæ, кæд фæдылдзог фондз азон периоды аивгъуыдмæ æхсæз мæй агъоммæ, кæцыфæнды фарсы официалон каналтæй нæ фехъусын кæндзæн иннæмæн.
«Бадзырд аскуыныны фæстæ атвоматонæй кæнæ сæ иу кæнæ се ннæ фарсы æмбæстагад нæ фесæфдзæни. Дыууæдæр фарсы æмбæстагад кæцы уæнгтæн уыдоны дарддæры уæвын регуляцигонд цæуы архайæг æхсæнадæмон бадзырдтæй æмæ фарсыты закъондæттынадæй» – банысангонд у документы.