Владимир Путин АИШ-ы Уæрæсейы минæварæй снысан кодта Александр Дарчиевы. Минæварæй снысан кæныны агъоммæ дипломат куыста Уæрæсейы Федерацийы Фæсарæйнаг хъуыддæгты министрады Цæгат-Атлантикон департаменты директорæй.

Уæрæсейы фæсарæн хъуыддæгты министр Сергей Лавровы расидæнмæ гæсгæ, 18-æм февралы Сауды Аравийы уæрæсейаг-америкаг бадзырдты рæстæджы АИШ-ы Уæрæсейы минæвары æмæ Уæрæсейы АИШ-ы минæвары снысан кæныны фæдыл бадзырд æххæстгонд æрцыд.

Уæрæсейы Федерацийы раздæры минæвар АИШ-ы Анатолий Антонов Вашингтоны йæ мисси фæцис 2024 азы октябры.

Уæрæсейаг медийы информацимæ гæсгæ, Вашингтон 27-æм февралы Стамбулы Дарчиевы минæварæй снысан кæныны фæдыл официалон фиппаинæг бахæццæ кодта.