Гуырдзыстоны æмбырдгонды сæйраг тренер, Вилли Саньоль пресс-конференцийыл фæныхас кодта, дунейы чемпионаты æвзарæн этапыл Испанийы командæимæ æрцæугæ матчы фæдыл.

«Командæйы ис иттæг хорз атмосферæ.Фæстаг дыууæ боны дæргъы боныгъæд уыд æвзæр, фæлæ нæ уый нæ бауромы.

Хвича Кварацхелиайы тыххæй та, æз сæрмагондæй ныхас кодтон Пари Сен-Жерменимæ. Уый фæстаг дыууæ матчы нæ хъазыд æмæ ацы уынаффæ æххæстæй растгонд уыд. Æмткæй райсгæйæ, райгонд дæн йæ физикон уавæрæй. Сæйраг сконды уыдзæн æви нæ? Травмæтæ нырыккон футболы арæх æмбæлынц, уымæ гæсгæ кæронбæттæн уынаффæ рахæссæм, дохтыртæ йæ куы сбæлвырд кæнынц, уый фæстæ.

Куыд футболуарзаг, афтæ мæ фæнды, цæмæй Ламине Ямал тагъд æрыздæха фæзмæ. Мæнæн хуыздæр у, тыхджын хъазджытæ куы хъазынц, уæд – уый хуыздæр у футболæн.

«Испанийы æмбырдгонды ис бирæ травмæгонд футболисттæ, фæлæ ахæм бæрзонд æмвæзады командæйы ныхмæ куы хъазай, уæд ууыл хъуамæ къаддæр хъуыды кæнай – алы позицийы дæр сын ис цалдæр уæлдæр къласы хъазæджы», — загъта Вилли Саньол.

Испанийы æмæ Гуырдзыстоны æмбырдгондты æхсæн фембæлд 11-æм октябры, Тбилисы рæстæгæй 22:45 сахатыл райдайдзæн æмæ уын фыццаг канал матчы фæдыл комкоммæ репортаж бавдисдзæн.