Гуырдзыстоны æмбырдгонды сæйраг тренер, Вилли Саниоли, Сагурамойы пресс-конференци сарæзта æмæ Нациты Лигайы Албаниимæ æрцæугæ матчмæ командæйы цæттæдзинады фæдыл фæныхас кодта.

«Украинайы ныхмæ хъазт райдыдтам æвзæр æмæ уый уыд æнтыстдзинады иуæй-иу аххосаг. Ныфс нæ ис, Албаниимæ фембæлды уавæр кæй фæхуыздæр уыдзæн.

Саба Лобжанидзейы тыххæй та, цæмæй йæм нæ фæсидтысты, уый аххосаг æрмæст фæлладуадзæн балц нæу, зын ын у мæ системæмæ æрцæуын.

Украинæйы ныхмæ галиу фарсыл нын уыд цыдæр проблемæтæ, æмæ афтæ уыд Чехийы ныхмæ матчы бæрæг периоды дæргъы. Мæнмæ гæсгæ, уый æрмæст Лочошвилийы аххос нæу, уый бабырстыты хорз баст уыд. Китеишвили æнæниз у æмæ цæттæ у райсомы матчмæ.

Кочорашвилийы бынаты кæй сæвæрдзынæн æмæ мæ тактикæ фæивдзынæн? Уый æз ныридæгæн сфæнд кодтон, фæлæ йæ райсом фендзыстут. Украинайы ныхмæ фембæлд рамбулын гæнæн уыд æмæ тактикон ивæндзинæдтæ мæнæн ацы этапыл нысаниуæгджын не сты. Сæйрагдæр у фембæлд хуыздæр райдайын æмæ хæслæвæрдтæ сæххæст кæнын.

Мах ногæй стæм уыцы командæ, кæцы рамбылдта Евро 2024. Æнæмæнгхъæугæ у бахъахъхъæнын нæ аргъдзинæдтæ, дисциплинæ æмæ дарддæр кæнæм размæ цæуын», -расидтис Саниоли.

Нациты Лига В1 дивизионы, Гуырдзыстоны æмбырдгонд «Михаил Месхи Аренайы» 14-æм октябры, 20:00 сахатыл, Албанийы суазæг кæндзæн. Фыццаг канал фембæлды фæдыл комкоммæ репортаж бавдисдзæн.