Венгрийы премьер-министр  Виктор Орбаны фидиуæнæй, 2008 азы  гæнæн уыдис Украина æмæ  Гуырдзыстоны   райсын  Евроцæдис æмæ НАТО-мæ, фæлæ  ацы  шанс ауагъдтой.  Орбаны дзырдæй,   уый  фæстæ  Уæрæсе стыхджын ис  æмæ  ныр ацы процесс нал бауадздзæн.

«Мах нæ бахъом стæм  Украина æмæ Гуырдзыстоны  уæнгсуæвыны   бадзырдты æнтыстджынæй   фæуын, цæмæй  дæр  фесæфтам Украинайы  куыд Евроцæдис æмæ НАТО-ы фидæн уæнгы перспективæ» – райхъусын кодта  Орбан.

Уыимæ, Виктор Орбаны дзырдæй,   Украина хъуамæ баззайа  «буферон зонæйæ» Уæрæсейы æмæ Ныгуылæны æхсæн, кæцы  ифтонггонд уыдзæн æдасдзинады бæрæг гарантитæй, фæлæ нæ уыдзæн Евроцæдисы кæнæ  НАТО-йы  уæнг.

«Уæ зæрдæмæ цæуы æви нæ, цæуы æви нæ  украинæгты  зæрдæмæ, уæддæр  Украина  картæйыл кæм ис,  уым ис.  Сегасдæр хуыздæр перспективæ у, цæмæй  баззайа  буферон  зонæйæ  Уæрæсе æмæ  ныгуылæны æхсæн – кæй зæгъын æй хъæуы   æдасдзинады гарантитимæ. Уый сын нæ баххуыс уыдзæн, Украина фесафдзæн территоритæ. Уæрæсе та  фæстæмæ  скуынæг кæндзæн Украинайы. Уæрæсе  никуы бафидаудзæн   йæ  арæнтыл  Евроцæдисы æмæ НАТО-йы  уæнгты  разындимæ, цахæмдæр у  Украина», –  банысан кодта Орбан.

Венгрийы  премьер-министры хъуыдымæ гæсгæйæ,   Уæрæсе-Укрианайы хæст 2024 азы нæ фæуыдзæн æмæ æнæмæнгхъæугæ у, иууыл цъус,  ифтонггонд уа  æхсты фæурæд æмæ ситуаци  бацæуа  уыцы  фазæмæ, кæцыйы   гæнæн уыдзæн бадзырдтæ ауадзын.

Уый йеддæмæ  ма,  Орбан нымайы, цæмæй  Европæ, Украинайæн æгъгъæд бæрцæй æхсæнгарзæй  баххуыс кæнын нæ бафæраздзæн, уымæн æмæ   Евроцæдисы  бæстæты  дзыллæты «ахæм æхххуыс  уæлдайæ  нымайынц».