Венгрийы премьер-министр Виктор Орбан хъусын кæны, цæмæй Трамп æмæ Путины фембæлды фæстæ дуне æдасдæр ссис. Уый фæдыл Орбан социалон хызæгты фыссы.

Орбан куыд банысан кодта, афтæмæй бирæ азты дæргъы дыууæ атомон паддзахады кæрæдзийæн æнæхæлар хъусынгæнинæгтæ æрвыстой.

«Азты дæргъы мах кастыстæм, дыууæ стырдæр атомон паддзахады куыд ныппырх кодтой сæ æмгуыстады фæлгæттæ æмæ кæрæдзийæн æнæхæлар хъусынгæнинæгтæ ивтой. Ныр уый фæцис. Абон дуне у æдасдæр бынат, знонæй. Алы улæфæн бон дæр уа æппынкъаддæр ахæм хорз!» – фыссы Орбан.

Информацийæн, Уæрæсейы æмæ АИШ-ы президентты фембæлд знон Аляскæйы, Анкориджы æфсæддон базæйы сырæзт. Дональд Трамп æмæ Владимир Путины ныхас цыд æртæ сахаты бæрц.