Венецийы Комиссийы рекомендаци – деолигархизацийы закъонопроект уæвæг формæйæ ист ма хъуамæ уа
Деолигархизацийы фæдыл закъонопроект уæвæг формæйæ ист ма хъуамæ уа, æрмæст олигархион æндæвдадимæ тох кæнынæн хъæуы персоналон нæ фæлæ, системон балæуд, – уый фæдыл банысангонд у Венецийы Комиссийы рекомендацийы, кæцы æххæссы Гуырдзыстоны хицаугæнæг партийы бакуыст «Деолигархизацийы фæдыл» закъонопроектмæ.
«Венецийы комисси хаххгондæй банысан кодта, ома тас, цæмæй хицæн бæстæйы экономикон, политикон æмæ æхсæнадон цардуагыл нысаниуæгджын æндæвдад скæныны риск индивидуалон гоймагы къухты ныххаудзæн, æргомдзинады, легитимондзинады æмæ бæрнондзинадæй цух, гæнæн ис уа алы бæстæйы. Бæстæты фылдæр бакуыстой æмæ скусын кодтой кæрæдзиимæ баст закъондæттæн, институционалон, администрацион, экономикон æмæ æндæр мадзæлттæ, цæмæй фæкъаддæр кæной знаггадгæнæг эффект, кæцыйы ахæм æндæвдады цалдæр адæймаджы къухты концентраци æрхæссы демократийы, закъоны сæйрагдзинады æмæ адæймаджы бартæн. Уыцы бæстæты контекстæй рацæугæйæ, кæцымæ уый æххæссы, йæ хъуыдыйы дары мадзæлттæ, дæнцæн: конкуренцийы сферæйы эффективон политикæ, коррупциимæ тох æмæ æхца ссурс кæнынимæ, медиа плюрализмы ифтонггæнæн мадзæлттæ, политикон партиты æмæ æвзарæнон кампаниты финансдзинады уагы сбæлвырд æмæ а.д.
Уый бæсты цæмæй, ацы бирæ секторалон, системон балæудмæ гæсгæ архайдаит, Гуырдзыстон аскуыддзаг кодта олигархизацийы пырхгæнæг æндæвдадимæ тохæн, бынтон æндæр «персоналон балæуд» сывзæрста æмæ æрцæттæ кодта деолигархизацийы закъон. Ацы «Персоналон балæуд» бакуыст закъонопроекты куыд у бавдыст афтæмæй, тырны персонæты идентификаци скæна «олигархтæй» спецификон критеритæм гæсгæйæ, цахæмдæр сты – хъæздыгдзинад, мадиа-хицаудзинад æмæ а.д. æмæ сын фидар кæны рæнхъ арæнæвæрдтæ. Нæкæсгæ уымæ, цæмæй закъоны бакуыст варианты, æфхæрдон мадзæлтты æмæ арæнæвæрдты фылдæр аивдтой, ацы закъоны статиты гæнæн хивæнд спайда кæнын нырма дæр ис гæнæн, тас хæссы закъоны сæйрагдзинадæн æмæ политикон плюрализмæн», – дзырдæуы хатдзæджы, кæцымæ гæсгæ дæр, деолигархизацийы закъонопроект нæдæр демократон æмæ нæдæр эффективон дзуаппæй нæй гæнæн банымайын.
Венецийы Комисси Гуырдзыстоны хицауадæн рекомендаци дæтты ма райса деолигархизацийы закъонопроекты барастгонд вариант æмæ бæстæйы олигархион æндæвдадимæ тох кæнынæн ауадза лæмбынæг системон мадзæлтты арф æмæ æппæтылæххæссæг анализ; саразæт эффективон конкуренцийы политикæ; адарддæр кæнæт бæрзонд æмвæзады коррупцийы ныхмæ тох; бахъахъхъæнæт паддзахадон балхæдты æргомдзинад æмæ бæрнондзинад; сфидар кæнæт медиа-плюрализм æмæ медиа-хицаудзинады æргомдзинад; стынг кæнæт сæйраг регулиргæнæг æмæ контролгæнæг органты хæдбарад.
«Венецийы Комисси хахх кæны, цæмæй уæлдæрбанысангонд системæты эффективон куыстæн, Венецийы Комиссийы рекомендацитæ æххæст хъахъхъæнгæйæ, хъуамæ сыххæст уа тæрхонон системæйы иугонд (холистон) реформæ, кæцыйæн йæ нысан у йæ хæдбарады, рæстагдзинады æмæ объективондзинад сифтонг кæнын, уый нымæцы Юстицийы Бæрзонддæр Советы дæр», – дзырдæуы Венецийы Комиссийы хатдзæгы.