Ватиканы конклавы дыккаг бон у. Сикстинаг кувæндоны трубæйæ ногæй схызт сау фæздæг, уый нысан кæны, цæмæй кардиналтæн боны фыццаг æмбисы хъæлæсæппæрсты дыууæ туры фæстæ ногæй нæ бантыст папæйы равзарын.

Понтифик равзарынæн хъæуы кардиналты дыууæ æртыккаг хайы фылдæр хай.

Конклавы хайад исынц 133 кардиналы 70 бæстæйæ, се ‘ппæтыл дæр 80 азы онг кæуыл цæуы, ахæмтæ. Франциск дзы 100-йæ фылдæры снысан кодта кардиналтæй.

Боны фыццаг æмбисы хъæлæсæппæрсты дыууæ туры фæстæ, кардиналтæ ацæудзысты Санта-Мартайы резиденцимæ. Улæфты фæстæ та æрыздæхдзысты Сикстинæйы кувæндонмæ, цы ран абон ноджы дыууæ хъæлæсæппæрст сырæздзæн.

Конклавы фыццаг бон, 7-æм мартъийы, иу хатт уагъд æрцыд хъæлæсæппæрст, æмæ трубæйæ цы сау фæздæг цыд, уый дунейæн фехъусын кодта, кардиналтæ Папы кæй нæ равзæрстой, уый. Конклавы алы иннæ бон дæр гæнæн ис хъæлæсæппæрсты цыппар туры. Каса Санта Марта æмæ Сикстинæйы кувæндоны æхсæн кардиналты трансфер æххæстгонд цæуы карз æдасдзинады мадзæлттæй.

Равзæрсты процедурæ сусæг у. Конклавы райдайæнæй ног папæйы равзæрсты онг кардиналтæн æппæт коммуникацитæ дæр нæй æддагон дунеимæ. Нæй сын интернет, телефонтæ æмæ медиа.