АИШ-ы администраци хъуыды кæны, цæмæй Украинæмæ цæугæ хæцæнгарзы æрвитæггаг æрурома. Уый фæдыл хъусын кæны «Вашингтон Пост» Урс Хæдзарыл  æнцойгæнгæйæ.

Медийы информацийæ, АИШ-ы администраци, цауты руаджы,  хæцæнгарзы æрбаласт фæуромыны фарста хъуыды кæны.

Ныртæккæйы информацимæ гæсгæ, кæд æмæ Вашингтон ахæм уынаффæ райсдзæн, уæд уый бандавдзæн радартыл, хæдтулгæтыл, хæцæнгæрзтæ æмæ ракетæтыл.

28-æм февралы Урс Хæдзары АИШ-ы президент Дональд Трамп æмæ Украинайы президент Владимир Зеленскийы æхсæн фембæлд сырæзт. Фембæлд цыд карз ныхмæлæуды рæстæджы. Дональд Трамп æргомæй аххосджын кодта Зеленскийы æнæуынондзинады, æмæ Трампы администраци Украинæйы лидермæ хатыр ракурынмæ æрсидтис.