Украинайы  гарзджын тыхты  сæйрагкомандыгæнæг  Валерий Залужный  АИШ-ы  гарзджын  тыхты   штатты  хистæрты иугонд  комитеты  къухдариуггæнæгимæ,  инæлар Марк Миллиимæ   фронты хаххы  уæвæг уавæры фæдыл телефонæй  фæныхас кодта æмæ  Украинайы  тыхты бæрæг  æнтыстытæ  банысан кодта.

Уый фæдыл  Залужный  фыссы телеграмм-каналы.

«Нæ бæстæйы  хурыскæсæны  æмæ  хуссары   дарддæр кæны  иргъæфы  æмæ  бырсæн   равгы  уæззау   быцæуæмбæлдтæ. Ис бæрæг æнтыстытæ, æххæст кæнæм нæ плантæ, фæцæуæм размæ», – фыссы Залужный.

Залужныйы хъусинагæй, «Рамштайны» форматы  контактон къорды  радон  рабадты  размæ  Марк Миллиимæ æркастысты  приоритеттæ  Украинайы  æфсадæн. Залужныйы  дзырдæй,  зæгъгæ нысаниуæгджын у  Украинайы уæлдæфон   иргъæфы  æмæ  артиллери стынг кæнын.