Уругвайы   у  фыццаг  камандæ  ацы  чемпионатыл,  кæцыйæн  нырма ис   сæдæпроцентон  фæстиуæг: æртæ  матчы – æртæ  уæлахиздзинад.

Матч  «А» къорды  лидерты æхсæн  дыууæрдæм  бырстытæй  райдыдта,  фæлæ  тагъд фæбæрæг  Уругвайы  уæлидзинад  æмæ   дæсæм минутыл  гол дæр федтам.  Уæрæсейы  иварон фæзыгы раз,  тæссаг  иварон  цæф ыснысан  ис  æмæ Луис Суарес  ацы  цæфт сæххæсткодта  дæснымæ  куыд æмбæлы  афтæ –  1:0.

Уæрæсе  æрывнæлдта   хыгъд  сраст кæнын æмæ Денис Черишевмæ фæзынд  иттæг   нысаниуæгджын момент,  фæлæ   йæ  цæф  пуртийы  дуаргæс Муслера  æнцонæй  æрцахста.  Зæгъæн ис, цæмæй  ай  уыд фыццаг  æмæ   иунæг реалон  шанс, кæцы  Уæрæсейы æмбырдгондмæ  ацы матчы  уыд.

23-аг минутыл   фæстæмæ Денис  Черишев  равдыста йæхи,  фæлæ  ацы хатт  æппæрццаг котексты,  Диего  Лаксалты  цæфы  фæстæ  пурти  сæрмагонд дуæрттæм арвыста  – автогол –  2:0.

36-æм  минутыл, уырыссæгтæ (уæрæссейæгтæ) тынг æвзæр  уавæры  фесты,  арбитр   Смольниковы   куы атардта   æмæ уый фæстæ ма,   фæзыл  æрмæст  иу  камандæ хъазыд.

90-æм  минутыл  та    хуссар америкæгтæ  уырыссæгты   ноджы  иу хатт «фæрайын кодтой», Эдинсон Кавани   йæхи гол  куы баппæрста  æмæ кæронбæттæн   хыгъд сфиксир кодта  – 3:0.

Ацы уæлахиздзинады фæстиуæгæн   Уругвайы  æмбырдгонд  «А»  къорды   сæргъ    слæууыд  æмæ æстæмфиналы «В»  къорды  дыккаг бынатыл уæвæгимæ  фембæлдзæн.  Цыдæриддæр  та  Уæрæсемæ  æххæссы,   уыдон   дыкккаг бынат бацахстой æмæ  «В»  къорды  уæлахиздзауыл фембæлдзысты.

Рафыссут нæ  уникалон аппликаци   FIFA 2018! Android  iOS

Æмæ  уæм уыдзæн фадат,  оперативонæй   базонат  алы  цымидисон  хабаримæ,   матчыты  бæлвырд  ранывæст, фæстиуджытæ  LIVE-режимæй  æмæ  саразат  уæхи сæрмагонд прогноз!

Матчыты  бæлвырд  ранывæзт  -Дунейы Чемпионат  Фыццаг Къаналыл!