Евроцæдисæн гæнæн ис æмæ АИШ-имæ хицæн хъуыдытæ уа, фæлæ АИШ кæддæриддæр баззайдзæн Евроцæдисы æмцæдисонæй – уый фæдыл Еврокомисы президент Урсула фон дер Лайен Брюселы пресс-конференцийыл расидтис.

«Америкæйы Иугонд Штаттæ сты нæ æввахсдæр æмцæдисон 80 азæй фылдæр. Проблемæты раз АИШ æмæ Европæ кæддæриддæр уыдысты тыхджындæр иумæ. Ис хицæндзинæдтæ, гæнæн ис æмæ иуæй-иу фарстаты фæдыл нæ цæстæнгас уа æндæр æмæ æндæр, фæлæ нын цы иумæйаг интерестæ ис, уыдонмæ куы æркæсай, уæд уыдон алы хатт дæр фылдæр сты нæ ныхмæлæудтæй. Уыдзæн нæм æнæразыдзинад. Мах сæ хъуамæ аскъуыддзаг кæнæм, хъуамæ ссарæм иумæйаг фæндæгтæ», – райхъусын кодта фон дер Лайен.

Еврокамисы президент банысан кодта, цæмæй альянс нысан кæны, цæмæй алчи хъуамæ æххæст кæна йæ хæстæ.