Украинайы  регионон   инфраструктурæйы   рæзынады министры хæдивæгы коррупцийы  аххосагæй  æрцахстой.

Украинаг медиайы   хъусинагæй,   Васил  Лозинскийы Украинайы   антикоррупцион   бюройы   кусджытæ  æрцахстой.  Уыйы 400 000  АИШ долары бæрц  гæртамы сисыны   аххосджын кæнынц. Хъуыддаг æххæссы  генераторты балхæдмæ.

Антикоррупцион  бюройы  хъусинагæй,   сæрды  Украинайы  министрты кабинет рауæлдай кодта 1,68 миллиард гривна техникæ æмæ ифтонггæрзтæ балхæнынæн.

Фæдагуырдæй рабæрæг ис, ома  централон   æмæ  регионы  æххæстгæнæг  хицауадты уæнгты   хай, бакуыстой   схемæ, цæмæй   паддзахады рауæлдайгонд  суммæйы хай  сæхи бакодтаиккой.  Уыдон сусæгæй  æрдзырдтой   амалиуæгдæрттимæ æмæ 280 милуан  гривнайы аргъ контракт  бафыстой.  Министры  хæдивæгæн ацы  бадзырдты  тыххæй  400 мин доллар бафыстой.

Украинайы  антикоррупзион    бюройы  куыд райхъусын кодтой  афтæмæй,   хъуыддаджы  фæлгæтты ахст сты  ноджы цалдæр  уæнгы.   Уыдонæй  сæ иуы  æрцахстой, Украинайы  арæныл ахизын куы архайдта  уæд.