Украинайы горæт Кривий Ригыл  Уæрæсе бырсты фæстиуæгæн  фæмардуæвджыты  нымæц,  фондзмæ  схызт, сæ нымæцы  иу  сывæллон у, фæцæф сты 34 адæймаг, информацийы хъусын кæны «Украинаская Правда».

Медиа куыд  фыссы афтæмæй,  иу  ракетæ  бирæуæладзыгон   цæрæн корпусыл  сæмбæлдис. Æнхъæлц ис,  цæмæй  кæлддзæгты бын  ис  ноджы адæм.

Украинайы  уæлдæфон  тыхты  спикер, Юрий Игнат  райхъусын кодта, цæмæй  Уæрæсе   æнхъæлцау  баллистикон   ракетæтæй  сыххæст кодта бырст.

Уыйимæ æрцæугæйы фæдыл  радзырдта Украинайы  президент.

«Абон сæумæрайсом уырыссæгтæ  бомбæкалды сыххæст кодтой Кривиый Риг æмæ Херсоныл. Ныццавдтой  цæрæн корпустæ, университеты бæстыхай,  фæндæгтæ,  хъыгагæн,  ис  фæмардуæвджытæ æмæ  цæфтæ. Гæнæн ис, кæлддзæгты бын уа  адæм.  Тæфæрфæс кæнын  алкæмæн чидæриддæр уырыссаг  терроры тыххæй  фесæфта  уарзон  адæймæгтæ», –   фыссы Украинайы  президент   Володимир Зеленски.

Медиайы хъусинагæй,  Кривий Ригы агурæн-ирвæзынгæнæн   куыстытæ  230  ирвæзынгæнæг сты  баст,  цæуы  цæржыты эвакуаци.