Киевы та куыст сног кодтой  16 бæстæйы дипломатон  минæварадтæ, –  уый фæдыл  информаци публикаци кæны Украинайы фæсарæн хъуыддæгты  министрад.

Уагдон  Киевы  кусæг  минæварадты  ранымад публикаци кæны, кæцыты æхсæн  Гуырдзыстоны дипломатон минæварад дæр ис.

«Æрвылбойнонæй  æндæр бæстæты дипломатон  минæварадтæ  сног кæнынц  сæ куыст Киевы.  Уый у  ноджы иу  бæлвырдгæнæн ома  Дуне йæ фарс хæцы  Украианйæн æмæ йæ  ныфс ис.  Абон сæйраг горæты  кусынц  16  минæварады дипломатттæ, – Евроцæдисы, Францы, Испанийы, Италийы, Латвийы, Лиетувæйы, Эстонийы, Польшæйы, Турчы, Чехы, Словенийы, Ватиканы, Молдовæйы, Гуырдзыстоны, Ираны, Хъазахстаны, Таджикистаны, Туркмены.  Бузныг  нæ хæлæрттæн фарсхæцыны тыххæй!» – дзырдæуы  Украинайы  фæсарæн хъуыддæгты министрады фидиуæны.