Гæнæн ис мæ  ацы куырдиат уа  фæстаг, уымæн  æмæ  нын цалдæр бон, кæнæ  гæнæн ис  цалдæр сахат ма баззад,  –  уый фæдыл  Украинайы   æфсады 36-æм  денджызон бригадæйы  къухдариуæггæнæг  Сергий Волина, кæцы «Азовсталы»  заводы  территорийыл ис, «CNN» телефонон дзырды  рæстæджы райхъусын кодта.

Украинаг  æфсæддон   Дунейы  лидертæм сидтис, ома срæвдз кæной  кæлидор  Мариуполы  гарнизонæн  æмæ заводы  территорийыл  уæвæг  сабыр æмбæстæгтæн.

«Сидын уæм, цæмæй  нæ æртыккаг бæстæйы территоримæ  акæнат  æмæ сифтонг кæнат нæ æдасдзинад», –  райхъусын кодта  Волина.

Сергий Волина  заводы  уæвæг уавæры  тыххæй  радзырдта, куыд критикон, стыр  нымæцæй цæф æфсæддæтты  æмæ  арæнгонд  медиционон  лæггады тыххæй.  Украинаг офицеры  дзырдæй,   заводы  территорийыл 500 цæф  æфсæддон æмæ сæдæгай  сабыр æмбæстаг  ис.