Украинайы  горæт Краматорскыл  хуырыссаг ракетон бырсты   фæстиуæгæн  фæмардуæджыты  нымæц астмæ  схызт,  сæ нымæцы   æртæ сывæллæттæ.  Цæфты  нымæц  56-æй  фылдæр у.   Уый фæдыл  Украинаг медиа  бæстæйы  уæлвæтк  ситуациты паддзахадон    куыстыл æнцойæ  фыссы.

«28 июн, 07:00 сахаты  уауæрæй,  пырх  рестораны  бæстыхайы  кæлддзæгтæй  аст фæмардуæвæгы, сæ нымæцы æртæ сывæллоны   мардыбуар систой,  кæцытæй  дыууæ гуырд сты  2008 æмæ 2011  азты. Цæф сты 56-æй фылдæр адæймаг, сæ нымæцы иу 2022 азы  гуырд сывæллон», – дзырдæуы   уæлвæтк уавæрты  паддзахадон  куысты фидиуæны.

Агурæн-ирвæзынгæн  операцитæ ацы рæстæгмæ  цæуы.

Бакой уын кæндзыстæм,   знон  Уæрæсе ракетон бырст сыххæст кодта  Украинайы  хурыскæсæны уæвæг  горæт  Краматорскыл. Ракетæтæ  адæмарæхт рестораныл сымбæлдис.

Краматорск у  сæйраг горæт  Донецкы  провинцийы  фронты  хаххы   ныгуылæны.  Горæт   уыдис  уырыссаг  бырстыты арæх нысан, сæ нымæцы  2022  азы  апрелы   горæты æфсæнвæндагон станцæйыл   сæххæст  ракетон  бырст  63 адæймагы цард ахаста.