Уæрæсейы хъахъхъæнынады министрад хъусын кæны, цæмæй æнæхъæн бæстæйы масштабæй æхсæвыгон скуынæг кодтой 174 украинаг дроны.

Фидиуæны куыд банысангонд у, афтæмæй Киев райдыдта æхстытæ Брянскы, Ростовы, Саратовы, Воронежы, Калугайы, Курскы, Орловы, Рязаны, Тулайы, Белгороды æмæ Тамбовы облæсттыл, афтæ дæр Мæскуыйы облæст æмæ Хъырымыл.

Уымæй уæлдай ма, загътой, Сау денджызы скуынæг кодтой æртæ украинаг ракетæйы.

Украинаг медиа, уырыссаг Telegram каналтæм æнцойгæнгæйæ, хъусын кæны, цæмæй украинаг æфсæддонтæ сарæзтой бабырст Саратовы облæсты Энгельсы нефты базæмæ, кæцыйы фæстиуæгæн æрцыд масштабон зынгсирвæзт. Объектæй пайда кæнынц стратегион авиацийы æртагæй сифтонг кæнынæн, кæцыйæ Уæрæсе пайда кæны Украинæмæ ракетон бырстытæн.

Уæрæсейы хицауад инциденты фæдыл коментар нæ сарæзта, фæлæ украинаг медиа хъусын кæны, цæмæй социалон хызæгты парахат кæны видеокадртæ, кæцыты æвдыст цæуы масштабон зынгсирвæзт.

Саратовы облæсты губернатор Роман Бусаргин сбæлвырд кодта, горæты зынгсирвæзт кæй æрцыд, фæлæ цавæр объектыл, уый нæ банысан кодта.

«Энгельсы иуæй-иу промышленнон заводы дронты æрбабырсты фæстиуæгæн æрцыд зынгсирвæзт», — ныффыста Бусаргин Telegram-ы.