Æхсæвы  Уæрæсе   Украинамæ æхсæз ракетæйæ æмæ 19  «Шахеды» типы æнæпилот тæхæн аппаратæй ныббырста, Украинайы  гарзджын тыхтæ  иу  ракетæй æмæ 13 «Шахеды»  сæнæзианхъом кодтой.  Информаци уый фæдыл хъусын кæны  украинаг медиа.

Донецкы зылды  пъæлицæйы  департаменты хистæры, Ваим Филашкины  дзырдæй, Украинайы  горæт   Краматорскы дыууæ спырх æрцыд, кæцыйы  фæстиуæгæн  æхсæз  адæймаг фæцæф ис, зиангонд у бирæуæладзыгон корпус.

Фæстаг 24 сахаты мидæн, фронтыл  66  быцæуæмбæлд æрцыд. Уæрæсе фондз ракетон æмæ 125 уæлдæфон   хафт  сыххæст кодта Украинайы æфсæдды   позицитæм æмæ  цæрæн  пункттыл.  Черниговы, Сумыйы, Харьковы, Луганскы, Донецкы, Запорожьейы, Днепропетровскы, Херсоны  æмæ Николаевы  зылдты 110-æй фылдæр цæрæн  артиллерион  æхсты нысанæй  ссис.