Уæрæсейаг æфсæддонтæ Днепропетровскы облæсты горæт Павлоградмæ дроны бабырст сарæзтой.

Украинаг фарсы информацийæ, бырсты фæстиуæгæн фæмард иу адæймаг æмæ фæцæф ис 14 аздзыд чызг. Уый тыххæй фехъусын кодта Днепропетровскы облæсты администрацийы сæргълæууæг Сергей Лысак.

Лисакы ныхæстæм гæсгæ, хъыгдард баййæфтой горæты дыууæ цæрæн хæдзары. Сæ иуы æрцыд зынгсирвæзт.

Уымæй дарддæр ма Павлограды облæсты хъæууон хæдзарадон уагдæттæй сæ иуыл бабырст сырæзт. Товартæ ныппырх сты.

Днепры хæдзæрттæ дæр бахъыгдард сты дронты бабырсты фæстиуæгæн. Уæрæсейы æфсæддонтæ Никополмæ дæр ракетон æхст сарæзтой, цы ран аст сæрмагонд хæдзар æмæ газы хæтæл бахъыгдард сты.

Уымæй дарддæр ма, украинаг хицауады информацийæ, фæстаг бон æмæ æхсæвы дæргъы уырыссаг дæлхæйтты хæстон архæйдтыты фæстиуæгæн, Донецкы облæсты цыппар адæймаг æмæ Херсоны та иу фæмард.