Украинæйы уагъд цæуы президентон æвзæрстыты дыккаг тур. Кандидаттæ  сты  архайæг президент Петро Порошенко æмæ  артист æмæ  шоумен  Владимир Зеленский.

Æвзарæнон фадгуытæ  бынæттон рæстæгæй  08:00 сахатыдл байгом сты æмæ  20:00 сахатыл æрыхгæд уыдзысты.  Бæстæйы  архайы  30  мины онг   æвзарæнон фадыг, 102  æвзарæнон фадыг  архайы фæсарæнты сæ  нымæцы ис  Гуырдзыстоны дæр.

Регистрацигонд  сты 30 милуанæй  фылдæр æвзæрстгæнæг, æвзæрстытæн  мониторинг кæнынц  22 бæстæйы æмæ 19   æхсæнадæмон организацийы  æртæ мин  цæстдарæг.

Украинæйы æвзæрстыты фыццаг тур  31  марты  ацыд,  кæцыйы фæстиуæгæн  Владимир  Зеленски   æвзæрстгæнджыты  хъæлæсты  30,24 процент райста, Петро Порошенко та 15,94%. Æвзæрстыты  фыццаг туры  æдæппæт  хайад иста  39   кандидат,  кæцы Украинæйы  историйы  прецедент кæмæн нæй  ахæм нымæц у.

Иртасаг компани «Рейтингы»  уагъд   фæстаг рафарстмæ гæсгæ,   Владимир Зеленскийæн   рæфарст цæрджыты  52%  хæцынц  йæ фарс. Петро Порошенкойæн схъæлæс кæнын хъавынц  æвзæрстгæнæг респондентты  19%.  19% нырма нæ ахицæн кодта  цæмæй   кæмæн схъæлæс кæнид, 10%  та æвзæрстытæм ацæуын нæ хъавы.

Украинæйы   президенты  фондз азы  æмгъуыдмæ æвзарынц. Ногæвзæрст президенты инаугураци  31 майы  хъуамæ  ацæуа.