Уæрæсейы оккупацион тыхтæ Киев æмæ Украинайы æндæр горæтты ракетон хафтытæ ракодтой
Сæумæрайсомæй бомбæкалд цæуы Киевыл. Стындты гуыппытæ хъуысынц бæстæйы æндæр горæтты дæр.
Украинайы сæйраг горæты ракетон бырсты фæстиуæгæн амард аст адæймаг, фæцæф сты 24.
Уыимæ Киевы метростанцæты арызт бомбæмбæхсытæ едзаг сты адæмæй. Бынæтттон хицауад æмбæстæгтæм сиды бомбæмбæхсæнты баззайынмæ.
Уæрæсейы оккупацион тыхтæ бырст сыххæст кодтой Славянскы дæр. Ракетон бырстыты фæстиуæгæн цыппар адæймаг амард. Бомбæкалды нысан уыд цæрæн сыхтæ. Авиабырст сыххæст ис Львовыл дæр. Горæты массивон бырсты тыххæй скъолатæ æрыхгæд сты æмæ куылымпыдзинад уыд мобилон хызæгты куысты дæр. Хæлиу кæны информаци Харкьовыл бомбæкалды тыххæй дæр.
Параллелонæй стындты гуыпп хъуысы Днепропетровскы, Хмельницкийы æмæ Житомиры. Украинаг медиа фыссы, цæмæй фæнысангонд горæтты уæлдæфон хъахъхъæды системæ кусы. Æппæт Украинайы масштабæй уæлдæфон фæдис архайы.
Уыимæ Украинайы гарзджын тыхты сæргълæууæг, Валери Залужныйы фидиуæнæй, Уæрæсейы оккупацион тыхтæ Украинайы территориыл 75 ракетæ фехстой, уыдонæй 41 нейтрализаци скодтой Украинайы уæлдæфон хъахъхъæды системæтæ.