Санкцигонд авиакомпанитæ Уæрæсейы оккупацигонд Абхазы, Сухумы аэропортæй фыццаг рейстæ сæххæст кæндзысты. Уæрæсейы транспорты министрады фидиуæны куыд банысангонд у афтæмæй, Сухумы аэропортæй плангонд рейстæм билеттæ уæй кæнын ныридæгæн райдыдта.

Уагдоны информацимæ гæсгæ, фыццаг рейс плангонд у 3-æм маймæ, кæцыйы UVT AERO сæххæст кæндзæн Мæскуыйы аэропорт Внуковойæ, æхсæзæм майæ та Ikar Airlines рейстæ райдайдзæн Нижний Новгородæй.

Раздæр ма хъусын кодтой, зæгъгæ, Росавиаци Сухумы аэропортмæ тæхынæн бар радта авиакомпанитæ iFly æмæ Nordstar-æн. Фæлæ нырма бæрæг нæу, ацы компанитæ рейстæ кæд æххæст кæндзысты, уый.

Уымæй  уæлдай ма  ацы  цыппар  авиакомпани дæр  бахаудысты  санкциты бын  æмæ  Евроцæдисы  бæстæтæм  рейстæ æххæст кæнын тобæгонд сты.

Раздæр Гуырдызстоны авиацион службæ расидтис, цæмæй Уæрæсейы оккупацигонд Абхазийы Сухумы аэропорты эксплуатаци æнæзаконон у æмæ цыфæнды авиакомпани, кæцы ацы аэропортæй рейстæ райдайдзæн, хæлдзæн æхсæнадæмон æмбæстагон авиацийы фæдыл Чикагойы конвенцийы принциптæ.