Гуырдзиаг уæгъдибар хъæбысхæцæг Гено Петриашвили (-125 кг) Олимпиаг чемпион у.

Ерысты финалы Петриашвили 12:1 хыгъдæй фæуæлахиз дунейы дыууæ хатты чемпион, 23-аздзыд ирайнаг спортсмен Амир Хосейн Зарейыл.

30-аздзыд гуырдзиаг Палаван Олимпиадæйы йæхи равдисын знон райдыдта. 16-æм туры украинаг Хоцианивскийы 11:0 хыгъдæй фæуæлахиз, цыппæрæм финалы 9:2 хыгъдæй фæуæлахиз польшæйаг Роберт Бараныл, æрдæгфиналы та Азербайджаны номæй хъазæг Гиоргий Мешвильдишвилийы 7:0 хыгъдæй фæуæлахиз.

Ацы рæстæгмæ Петриашвили Риойы Олимпиадæйы бронзæ майдантæ æмæ Токиойы Олимпиадæйы æвзист майдантæ уыдысты. Уый ма у æртæ хатты дунейы æмæ дыууæ хатты Европæйы чемпион.

Уæ зæрдыл уын æрлæууын кæндзыстæм, цæмæй гуырдзиаг делегаци Парижы Олимпион хъæзтыты цыппар майданы рамбылдта. Бекаури Лаша ссис Олимпион чемпион, æвзист майдантæ рамбылдтой Илья Суламанидзе æмæ Тато Григалашвли, Лаша Гурули та рамбылдта бронзæ.

Абон фæстæдæр, Лаша Талахадзе ерыс кæндзæн, райсом та, 11-æм августы, сыгъзæрин майданыл ерыс кæндзæн уæгъдибар хъæбысхæцæг Мачарашвили Гиви (97 кг).