Бынæттон  рæстæгæй 17:00 сахатыл  Турчы  хъæлæскæныны процесс фæцис æмæ   æвзарæнон  фадгуытæ æрыхгæдтой.

Фадгуыты  æрыхгæды фæстæ  хъæлæстæ бахыгъды   процесс  райдайдзæн  æмæ фæстæдæр  рагафон фæстиуджытæ  суыдзæн бæрæг бæрæг, кæцыты фенын фæнысангонд вебфарсыл уызæн гæнæн.

Дыкккаг туры  Турчы 13-æм президенты бынат бацахсынæн   тох кæнынц   бæстæйы  архайæг президент  Реджеб Тайип Эрдогъан æмæ   иугонд оппозицийы  кандидат  Кемал Киличдарогълу.

Дыууæдæр кандидат  фæстаг разæвзарæнон митинг  Стамбулы  ауагъдтой. Президент Эрдогъан  æмбæстæгтæм  æвзæрст курсы  адарддæр кæнын æмæ  дунейы  аренæйыл   Турчы  позицитæ  сфидар кæнын   банфывæрдта.  Уый ма афтæдæр рацыдныфсæвæрдæй, ома йæ   уæлахиздзинады цауы, бæстæйы пенситæ æмæ  паддзахадон  гæсты  мыздтæ  фæбæрзонддæр уыдзасты.  Эрдогъан оппозицийы Турчы террористон организацийыл нымад  «Курдаг Кусджыты Партийы»  фарсхæцыны æмæ æнæкомпетентондзинады   аххосджын кæны.

Эрдогъан  дыкаг туры  кампанийы  рæстæджы  акцент  арызта Турчы уæвæг   сирийаг лигъдæтты    проблемæтæ  алыгы æмæ бæстæйы  энергоæдасдзинад стынг кæныныл.  Турчы архайæг президент оппозицийæн  ныгуылæны  дæлбар уæвджытæй  хоны æмæ  опоненты фыдзæрдæ æвзагæй дзырды тыххæй критикæ кæны.

Иугонд оппозицийы  кандидат  Кемал Киличдарогълу   президентон æвзæрстыты  дыккаг туры  размæ   та  бæстæйы  экономикæйыл ныхас кодта.   Уый ма  афтæдæр рацыд   бæстæйы уæвæг   лигъдæтты  фыдыбæстæмæ  æрыздахыны  дзырдлæвæрдæй.  Уый Эрдогъаны  сæрмагондæй фæзылынджын кодта  Туркмæ мигрантты æрбауадзыны.

Кемал Киличдарогълу хъусын кæны, цæмæй  йæ  фæуæлахизы цауы, Турчы   иунæгон хицаудзинад фæуыдзæн æмæ бæстæ,  суперпрезидентон  республикæйы бæсты, фæстæмæ  парламентон республикæйæ  фестдзæн.

Æвзæрстыты фыццаг туры  Реджеб Тайип Эрдогъан  Кемал Киличдарогълуйæ 2,5 милуанмæ  хæстæг фылдæр хъæлæстæ райста.