Тхъибулы муниципалитеты Курсебы хъæуы æрзæткъахæнты процессты размæцыды тыххæй, Кутаис-Тхъибулы фæндагыл транспорты алы хуызы змæлд тобæгонд у.

Фæндаг бынатыл æнæхъæнæй æхгæд у.

Тхъибулы мэр Кублашвили Давиты расидæнмæ гæсгæ, зæххы зæйты фæстиуæг хъæуы фондз хæдзар ныппырх ис. Уымæй  уæлдай ма,  Гуырдзыстоны  Фыццаг Къаналæн мэр  куыд расидтис афтæмæй,  эвакуацигонд у  38  бинонтæ. Йæ ныхасмæ гæсгæ, зианбаййафæг цæрджыты муниципалитет сифтонг кæндзæн уазæгдæттæй æмæ æндæр æмæ æндæр хуызы цæрæнуæттæй.

Алфæмблайы националон агентады информацийæ, стихийы бынатыл ис геологты æртæ къорды, цæмæй сбæрæг кæной стихийы аххосæгтæ.

Уымæй  уæлдай ма,  Уæлвæткон  уавæрты  фæткы  куысты  информацийæ,  бынатыл мобилизацигонд сты  мидхъуыдтæгты  министрады  æндæр æмæ æндæр  дæлхайæдты  минæвæрттæ, афтæ дæр  æмбæлон техникæ. Зынгхуыссынгæнджытæ активонæй æххæст кæнынц куыст.