Арфæ кæнын Гуырдзыстонæн Евроуынынады уæлахиздзинады фæдыл, зарæг сеппæтæй хуыздæр сæххæст кодта Андриа, уый схуыдта æнæхъæн бæстæ – уый фæдыл Гуырдзыстоны Фыццаг Къаналы режиссер, Тинатин Бердзенишвили расидтис.

Йæ ныхасмæ гæсгæ, Гуырдзыстон иттæг бæрзонд баллтæ райста æмæ уый у аккаг уæлахиз.

«Бæрзонд музыкалон культурæ кæмæн ис, уыцы бæстæтæ иууылдæр нын радтой 12 баллы. Махæн нысаниуæгджын уыд сценæмæкæсджыты хъæлæс дæр, райстам иттæг бæрзонд баллтæ æппæт Европæйæ, уый у аккаг уæлахиз. Гуырдзыстон у музыкалон бæстæ, цы ран ацы культурæ бæрзонд цъупмæ хæццæ кæны. Андриа зарæг сæххæст кодта хуыздæр, æнæхъæн бæстæйы ном хæсгæйæ. Арфæ кæнын æппæт Гуырдзыстонæн ацы æнтысты фæдыл», -расидтис Тинатин Бердзенишвили.

Йæ ныхасмæ гæсгæ, Евроуынынадмæ бацæттæ кæнын вазыгджын процесс у æмæ Андрия Путкарадзе фарста йæхимæ райста стыр бæрндзинадимæ.

«Иу Евроуынынад куы фæвæййы, уæд иннæ Евроуынынадмæ цæттæгæнæн куыстытæ райдайынц, тынг вазыгджын процесс у. «Ранинæ» нын æххуыс кæны хуыздæр сывæллæтты равзарынæн, кæд дзы арæх бирæ курдиæттæ вæййы æмæ нын зын вæййы равзарын, уæддæр. Зарæджы автор, Гига Къухианидзе Евроуынынады цыппæрæм хатт фæуæлахиз ис. Тынг æхсызгон мын у, цæмæй Гуырдзыстон хорз музыкæйæ ноджы иу хатт фæуæлахиз ис. Андрия хъуыддагмæ тынг æнæзивæгæй бакаст. Хъæлæс уыд лæмбынæг, цæмæй йæ бæстæ уæзданæй равдыстаид. Æрæмбырдуæвджытæ иннæтæ федтой эфиры. Уый æцæгæйдæр æнæуырнинаг уыд, 12 хатты нын радтой 12 баллы, тынг эмоцион уыд», -расидтис Бердзенишвили Тинатин.