Республикон сенатор Маркуан Муллин Гуырдзыстоны ныхмæ санкциты фæкарздæр кæныны ныхмæ у, æнæкæсгæ уымæ æмæ «Megobari актæн» дыууæпартион фарсылхæцындзинад ис, хъусын кæны «Hill».

Публикацийы информацийæ, закъондæттджытæ хъуыды кæнынц, цæмæй уый у сеппæтæй хуыздæр фæрæз продемократион тыхтæн æххуыс кæнынæн, афтæ дæр уырыссаг, китайаг æмæ ирайнаг æндæвдадимæ тох кæнынæн.

Оклахомайы сенатор Маркуан Муллин та ныхмæлæууæг у «Хæлæртты акты» райстæн, кæцы хицаугæнæг парти «Гуырдзиаг Бæллиццы» бæрнонты ныхмæ санкцитæ адæймаджы барты хæлды, коррупцийы æмæ демократийы фехæлды тыххæй йæ зæрдыл дары.

Рауагъдады информацийæ, августы кæрон «фæстаг минутыл» Маллинæн бантыст Сенаты фылдæры хайы лидер, республикаг Джон Тьюны бауырнын кæнын, цæмæй «Megobari  акт» аиуварс кæна «Хъахъхъæнынады барлæвæрды акт»-ы пакетæй.

Раздæр Муллин ма æрæхгæдта курдиат, цæмæй закъоны проект æнæ хъæлæсæппæрстæй райст æрцæуа Сенаты.

Хилл куыд фыссы, афтæмæй кæд æмæ республикаг сенатор Рэнд Пол дæр ныхмæлæууæг у закъоныпроектæн, уæддæр Маллины ныхмæлæуд уникалон у.

«Ацы закъондæттынадæн йæ фарсыл хæцынц бирæтæ. Ивгъуыд аз, зæгъæн ис, æмæ хаст æрцыд NDAA-мæ. Уый, æмæ йæ иу сенаторæн йæ бон уыд бауромын, у тынг зæрдæхсаинаг», — фехъусын кодта публикацийæн æнæном истæг.

Рауагъд куыд хъусын кæны афтæмæй, Маркуан Муллины позици фарстытæ æвзæрын кæны, уымæн æмæ йæ абоны позици хицæн кæны уыцы позицитæй, кæцытæ ахста фондз азы размæ, Гуырдзыстоны хицауады къухдариуæг куы кодта, уæд.

2020 азы Малин критикæ кодта «Гуырдзиаг бæллицты» хицауады «Америкæйы знаггадгæнæг æмтохгæнæг æмæ знæгтимæ» æрбаввахс кæныны тыххæй, æмæ дзырдта, зæгъгæ, уый зын æмæ тæссаг кæны америкаг компанитæн бæстæйы архайын.

Ацы къуыри «The Hill»-имæ интервьюйы Малин Гуырдзыстоны премьер-министр Ираклий Къобахидзеимæ «хуыздæр ахастытæ» æрхаста, куыд «Megobari акт»-ы ныхмæлæуды аххосæгтæй иу.