Гуырдзыстоны æнтыст æмæ æнæзивæгдзинад дæттынц ныфс, цæмæй дунейæн гæнæн ис малярийæ ссæрибар уа – уый фæдыл Гуырдзыстонæн æнæмалярийæ статусы сертификат раттыны фæдыл æнæнизхъахъхъæды æппæтдунеон организацийы генералон директор Тедрос Адханом Гебрейесус расидтис.

Æппæтдунеон æнæнизхъахъхъæды организацийы официалон фидиуæны куыд банысангонд у афтæмæй, Гуырдзыстон сарæзта æнæзивæг æмæ æнæфæцудгæ къахдзæфтæ малярийы скуынæг кæныны æрдæм, æмæ уый фæстиуæгæн, ссис иуæй-иу уыцы 45 бæстæйæ æмæ иу территори дунейы, кæцытæ ахызтысты ацы нысаниуæгджын æмвæзадмæ æмæ йын лæвæрд æрцыд æнæмалярийы сертификат.

Æппæтдунеон æнæнизхъахъхъæды организацийы Европæйы регионалон директор Ханс Клюге стыр æнтыстдзинадыл нымайы Гуырдзыстоны малярийæ æнæхайыры расидæн. Уый расидтис, зæгъгæ, Гуырдзыстоны æнтыстæй, ÆÆО-йы Европæйы регион ноджы иу къахдзæф æввахсдæр сарæзта, цæмæй суа дунейы фыццаг малярийæ æнæхайыры регион.