Тбилисы мэр Каха Каладзе   сæйраг горæты  хицауады  рабадтыл  муниципалитеты  кусджыты  мыздты  рæзты фæдыл фæныхас кодта.

Тбилисы мэр куыд райхъусын кодта афтæмæй, муниципалитеты  кусджытæн сæ мыздтæ дæс процентæй  цæугæ  азы  дæр фæбæрзонддæр уыдзысты.

«Куыд æй зонут афтæмæй,   премьер-министр Ираклий Гъарибашвилийы  уынаффæйæ, æрвылазонæй   паддзахадон уагдæтты  кусджытæн сæ мыздтæ  дæс процентæй  бæрзонддæр кæнынц  æмæ, кæй зæгъын æй хъæуы,  муниципалитеты дæр, ам кусæг адæймæгтæн мыздты  фæфылдæр  цæудзæн дæс процентæй», –  банысан кодта Каха Каладзе.

Уыимæ Каха Каладзейы  дзырдæй, Тбилисы хицауад  рахаста уынаффæ, паддзахадон  рæвдауæндæтты  кусджытæн мыздтæ  15 процентæй  фæбæрзонддæр кæна.

«Фæнды мæ  афтæдæр  информаци  бадæттон уый фæдыл, цæмæй   сæйраг горæты муниципалиеты уынаффæйæ,  цæугæ  мæййæ  Тбилисы  алы  паддзахадон  рæвдауæндоны  11 188 кусæг, 15 процентæй  бæрзонддæр  мызд  райсдзæн. Адон сты адæймæгтæ, кæцытæ иттæг нысаниуæгджын, егъау æмæ  бæрнон   куыст кæнынц æмæ ацы адæймæгты  мыздтæ  сты  тынг ныллæг.  Уымæ æмбæлгæйæ дæр   уынаффæ  у хаст, ома сæ мыздтæ фæбæрзонддæр кæнæм 15 процентæй», –   райхъусын кодта Каладзе.