Тбилисы  ноджы  200  бæрц электрозарядгæнæг  смонтаж уыдзæн, – уый фæдыл Тбилисы мэр Каха Къаладзе  сæйраг сахары  хицауады  рабадтыл  расидтис.

Уый загъта, ацы нысанæн расидт аукционтæ кæй фæцис æмæ сбæрæг сты уæлахиздзау компанитæ.

«Бирæ хорз хъуыддæгтæ арæзт æрцыд нæ транспортон политикæйы фæлгæтты, кæцы арæзт у алыгъуызон компоненттæй». 2017-æм азæй райдыдтам реформæтæ æххæст кæнын транспорты къабазы. Компоненттæй иу у электрохæдтулгæты пропагандæ. Горæты алы рæтты райдыдтам электрон зарядгæнæнтæ æвæрын, фæлæ уый фаг нæу, хъæуы фылдæр. Уымæ гæсгæ мах расидтам аукционтæ 200 онг электрон зарядгæнæны æвæрынæн æнæхъæн горæты. Ацы хъуыддагмæ равдыстой стыр цымыдисдзинад, æмæ аукционты архайдтой бирæ куыстуæттæ, æмæ уыд стыр конкуренци. «Ис нæм уæлахиздзаутæ, кæцытæ хæсджын сты, контракт бафыссыны фæстæ аст мæйы æмгъуыдмæ, сæхи хардзæй сифтонг кæной «смарт» аппарат электротранспортон фæрæзты тагъд зарядкæйы алы локацийыл æмæ сæ æнæрлæугæ эксплуатаци æввахс дæс азы дæргъы сифтонг кæной», – расидтис Каха Къаладзе.

Йæ ныхасмæ гæсгæ, сæйраг сахары экологион уавæр фæхуыздæр кæнын муниципалитеты сæйраг приоритеттæй иу у.

«Æппæт уыдæттæ арæзт цæуынц электрон хæдтулгæтæ разæнгард кæныны тыххæй». Стыр æргом здахæм экологон уавæр фæхуыздæр кæнынмæ, кæцы æрмæст электрон хæдтулгæтыл нæ хауы. «Мах æххæст кæнæм проекттæ фæлладуадзæн фæзуæттæн, бахастам регуляцитæ арæзтадон фæзуæтты фæдыл, æмæ ацы æрдæм бирæ къахдзæфтæ сырæзт экологион уавæр фæхуыздæр кæнынæн», – расидтис Каха Къаладзе.

Йæ ныхасмæ гæсгæ, транспортон политикæйы реформæтæ даргъ кæнынц æмæ мэри ацы æрдæм ноджы бирæ къахдзæфтæ сараздзæн.