Тбилисы мэрийы расидæн парахат кæны цæрæгойты цæрæн бынаты цур цæугæ протесты фæдыл.

Хъусынгæнинаджы куыд загъдæуыд, афтæмæй æмбæстæгты къорд æнæбарæй  бабырста бæстыхаймæ æмæ рынчын куыдзты сæ æмбондтæй ракодта, афтæ дæр цæрæгойты, кæцытæм цæст дарынц æхснырсæджы вирусы тыххæй, кæцы у æдасдзинады нормæты æмæ закъоны карз хæлд.

«Мах фæнды дзуапп раттын цæугæ протестæн сæйраг сахары, цæрæгойты приюты цур, кæцыйы рæстæджы æмбæстæгты къорд æнæбары бабырста бæстыхаймæ æмæ приюты ветеринартæн куыст нæ бауагътой. Протесты хайадисджыты æхсæн уыд радикалон оппозицийы бæрнон, кæцы комкоммæ разамынд лæвæрдта провокацийы организацийæн.

Бирæнымæц сидтытæм æнæкæсгæйæ, æмбæстæгты агрессивон къорд бабырста приюты территоримæ, цыран рынчын æмæ цæстдарды бын куыйты  дарынц, уымæ гæсгæ, санитарон-гигиенон нормæтæм гæсгæ, уырдæм æнæзонгæ адæймæгты бацыд тобæгонд у. Уымæй уæлдай ма, æмбондтæй райстой рынчын цæрæгойты, афтæ ма цæрæгойты, кæцытæм цæст дарынц æхснырсæджы вирусы тыххæй, кæцы у æдасдзинады нормæты æмæ закъоны æнæфæразгæ хæлд.