Тбилисы мэрийы информацимæ гæсгæ, Гуырдзыстоны официалонæй скуыста программæ, кæцы гуырдзиаг фæсивæдæн дуар гом кæны 25 000 дисконтæн æнæхъæн Европæйы.
Сæ ныхасмæ гæсгæ, «Европæйаг фæсивæды картæ» у европон инициативæ, кæцы Евросоветы æххуысæй реализ цæуы æмæ 40 азы дæргъы Европæйы континентыл 9,3 милуан æвзонгæн балцы фадæттæ аразы.
Тбилисы мэр Каха Къаладзе картæйы скусын кæныны фæдыл арæзт мадзалы хайадисджытæм ныхасы рæстæджы банысан кодта, цæмæй картæ бирæнымæц фадæттæ аразы милуангай фæсивæдæн балцыты, ирхæфсæн, культурæйы, спорты æмæ æндæр сферæты.
«Уæ зæрдыл дарут, ацы картæ æрмæст дисконттæ нæу – уый у ног фæлтæрддзинад, ног фадæттæ æмæ ноджы стырдæр бастдзинад европон фæзуатимæ» – райхъусын кодта Тбилисы мэр.
Сæйраг сахары мэр бузныг расидтис Гуырдзыстоны банкъы минæвæрттæн, уымæн æмæ семæ къухфыст меморандуммæ гæсгæ, «Фæсивæдон картæ» ныридæгæн ис Гуырдзыстоны банкъы мобилон банкъы.
«Европæйаг фæсивæдон картæйы» хицæуттæн сæрмагонд уавæртæ арæзт цæуынц куыд сæрмагонд компанитæ, афтæ дæр муниципалон спортивон æмæ культурон центртæ. Программæйы партнер у Гуырдзыстоны культурæйы министрад, кæцыйы æххуысæй специалон ставкæтæ 19 паддзахадон музейы æмæ æхсæз театры кусынц.
Картæйы хицæуттæн ис 5%-æй 40%-ы онг æфтиæгтæ алыгъуызон лæггæдтæн. Гуырдзыстоны æмбæстæгтæн 18 азæй 30 азы онг кæуыл цæуы, уыдонæн сæ бон у «Европæйаг фæсивæдон картæ» райсын.