«100 азæй фылдæр кары æмбæстæгтæн иухаттон æххуысы» программæйы фæлгæтты, Тбилисы регистриргонд ацæргæ адæймæгтæ 1000 ларийы бæсты 10 000 лари райсдзысты. Сæйраг сахары мэр, Каха Къаладзе, Тбилисы муниципалитеты хицауады рабадтыл фæнысангонд æскъуыддзагыл фæныхас кодта æмæ банысан кодта, цæмæй цæугæ азы бюджеты стыр бынат социалон программæты реализацийæн дæр лæвæрд æрцæудзæн.
Йæ ныхасмæ гæсгæ, фарон Тбилисы мэри 57 хистæр кары адæймагæн 1000 ларийы æхцайы æххуыс бафыста, се æхсæн 23 – 100 азæй фылдæр æмæ 34 та – 101 азы кæнæ хистæр.
«Цæмæй æхца райсой, уый тыххæй æмбæстаг кæнæ йæ минæвар Тбилисы мэрийы æнæнизхъахъхъæды æмæ социалон лæггæдты департаментмæ куырдиатæй хъуамæ бахатыд». Курдиаты æмрæнхъ хъуамæ уа 100 азы сæххæстгонд æмбæстагы æвдисæндар æмæ æмбæстагон реестры лæвæрд информацион картæ, кæцы ивгъуыд азы дæргъы Тбилисы æнæрлæугæ регистраци бæлвырд кæны. “Уыцы хистæр кары æмбæстæгтæ, кæцытæ ныридæгæн спайда кодтой ацы программæйæ 2025 азы онг, нал бахъæудзæн курдиат ныффыссын æмæ льготæ бахаудзæн комкоммæ уыдонмæ”, — банысан кодта столицæйы мэр.